Muhaxhiri theksoi se do të duhej të krijoheshin grupe ekspertësh në mënyre që të mos përsëritej gabimi siç është bërë me UNESCO-n dhe Interpol-in.
“Ajo që duhet të bëhet është një qasje sektoriale e Ministrisë së Jashtme. Unë mendoj që deri më tani është dashur të krijohen grupe dhe ekspertëve të ndryshëm të cilët nuk do ta bënin gabimin që është bërë në vitin 2015 me UNESCO dhe Interpol, që të konsiderohet si diçka e gatshme dhe se SHBA-të do ta kryejnë punën tonë”, tha ai.
Tutje Muhaxhiri në emisionin “ Këndi i Debatit” ne Tëvë1 ka theksuar se presidentja e vendit, Vjosa Osmani, kryeministri, Albin Kurti dhe ministrja e Punëve të Jashtmen Donika Gërvalla do të duheshin të merreshin vetëm me këtë çështje.
“Nuk mendoj që kjo gjë të konsiderohej si e kryer, ministrja Gërvalla, kryeministri Kurti dhe presidentja Osmani do të duhej të merreshin aktualisht vetëm me këtë temë, pra që të lobonin edhe me ekipet me kategori të ndryshme me diplomaci ekonomike e kulturore sepse është një momentum i jashtëzakonshëm që kushedi kur do të kthehet ky momentum, por asgjë nuk është e sigurt edhe pse garancitë janë”, shtoi ai.
