Kryetari i Komunës së Suharekës, Bali Muharremaj, ka thënë se imelli zyrtarë për bllokimin e llogarisë i ka ardhë nga Thesari i Shtetit i Ministrisë së Financave, e jo nga përmbaruesit siç ka thënë ministri i Financave, Hekuran Murati.
Ai ka thënë bllokimi i llogarisë bankare për shkak të kontratës kolektive është përgjegjësi e nivelit qendror dhe jo komunave.
“Imelli zyrtar ka ardhë nga thesari i Ministrisë së Financave. Ministri mundet me thanë çfarë të dojë, po unë nuk pajtona me fjalët e ministrit. Kjo çka është ka ndodhë nuk është i kryetarëve të komunave por i Qeverisë”, tha ai në emisionin InfoNata” në Tëvë1.
Muharremaj ka thënë se kjo situatë do të paraqes problem për komunën në kryerjen e obligimeve ndaj operatorëve për projektet që janë përfunduar ose janë në përfundim për të cilat ka thënë “se nuk e di ka do t’i marrin paratë”.
Kryetari i Suharekës ka bërë thirrje të gjendet një zgjidhje, pas sipas tij me situatë të ngjashme rrezikojnë të përballen edhe komunat tjera.
Ministri i Financave, Hekuran Murati, duke reaguar për këtë situatë ka thënë se Qeveria nuk mbyllë llogari të komunave, por ato mbyllen nga “përmbaruesit dhe vendimet e prera gjyqësore”, ka shkruar ai.
