Aleanca për Ardhmërinë e Kosovës ka propozuar, Muharrem Nitaj për anëtar të KQZ-së.
Vendimi është marrë në mbledhjen e kryesisë së kësaj partie në të cilën është diskutuar edhe për situatën politike në vend, ngërçin politik dhe nevojën e krijimit të institucioneve që kanë dalë si rezultat i zgjedhjeve të fundit parlamentare.
“Në këtë mbledhje të Kryesisë, po ashtu u diskutua edhe për agjendën e aktiviteteve të Aleancës në nivel lokal, kjo në frymën e përgatitjeve për zgjedhjet komunale, si dhe për përgatitjet për shënimin e 25-vjetorit të Aleancës, i cili do të mbahet më 2 maj, në Hotel Venus, në orën 17:00”, thuhet nga AAK.
