Futbollisti i skuadrës së Chelseat, ukrainasi Mykhailo Mudryk është pezulluar përkohësisht nga futbolli pasi ka rezultuar pozitiv në testin e dopingut.
Chelsea ka konfirmuar të martën se federata angleze së fundmi ka kontaktuar Mudrykun për gjetjet në testin rutinë të dopingut.
ADVERTISEMENT
Bëhet e ditur, se sulmuesit të krahut, substanca e ndaluar i është gjetur në mostrën A, të cilët Mudryk e dorëzoi në fund të muajit tetor.
Ndërkohë, rezultatet e mostrës B pritet në ditët në vijim dhe nëse dalin pozitive, atëherë 23-vjeçari sipas të gjitha gjasave do të suspendohet në kohë afatgjatë.
Mudryk është pjesë e Chelseat prej janarit të vitit 2023 kur iu bashkua nga Shakhtar Donetsku, ndërsa këtë sezon ka 15 paraqitje për londinezët në të gjitha garat.
