Pas temperaturave të larta ditëve të fundit në vend, Ministria e Shëndetësisë ka dhënë disa këshilla se si duhet shtuar kujdesin ndaj fëmijëve.
Sipas njoftimit të tyre, fëmijët e moshës deri në gjashtë muaj nuk duhet ekspozuar në diell.
Gjithashtu fëmijët të mos dërgohen në parkun e lodrave prej orës 10:00 deri në 17:00, përcjell teve1.info
Këto janë të gjitha këshillat e MSH-së:
KUJDESI NDAJ FËMIJËVE PËRGJATË TEMPERATURAVE TË LARTA
Mos i ekspozoni në diell fëmijët e moshës 0 – 6 muaj;
Përdorni kapelë me strehë të gjerë për të gjitha moshat;
Vishni me rroba të gjera dhe të lehta;
U jepni ujë rregullisht;
Pastroni rregullisht.
Kujdesi ndaj fëmijëve gjatë qëndrimit në pishinë/det
Aplikoni kremin kundër diellit çdo 2 – 3 orë, jo më pak se me faktor mbrojtës 20;
Në javën e parë të ekspozimit në diell përdorni produkte me faktor mbrojtës jo më pak se 50;
Mos i dërgoni në parkun e lodrave në intervalin kohor prej orës 10:00 – 17:00;
Fëmijët e vegjël duhet të mbikëqyren nga të rriturit, jo nga fëmijët më të mëdhenj sepse edhe ata janë të shtyrë për të luajtur dhe mund të shpërqendrohen lehtësisht.