Ministria e Shëndetësisë i ka ftuar në takim protestuesit e Federatës së Sindikatave të Shëndetësisë së Kosovës.
FSSHK të enjten ishin duke protestuar me të njëjtat arsye si edhe në protestën e 14 nëntorit.
Kryetarja e FSSHK-së, Tevide Imeri ka thënë se janë të detyruar të protestojnë për shkak të mbylljes së dialogut social nga Ministria e Shëndetësisë.
“Sot jemi për herën e dytë në këtë protestë të cilën nuk e dëshiron askush por jemi të detyruar për shkak të mbylljes së dialogut social nga ana e ministrisë. Kërkesat janë të njëjta, mosnënshkrimi i kontrates kolektive e cila na ka hendikepu në terren, na ka hequr shumë benefite”, ka thënë ajo për media.
