Përmes komunikatës, MPJD thotë se refuzimi bazohet në mosrespektimin e përsëritura nga Petkoviq të marrëveshjes për vizitat e ndërsjella të përfaqësuesve politikë e nënshkruar në Bruksel.
Në njoftim thuhet se Petkoviq është paralajmëruar se gjuha e tij bie ndesh me marrëveshjen dhe përsëritja e saj çon në refuzim të kërkesës.
“Petkoviq në vazhdimësi është paralajmëruar që gjuha e përdorur nga ai bie ndesh me marrëveshjen dhe që përdorimi i përsëritur i kësaj gjuhe rrjedhimisht çon në refuzimin e kërkesave për të hyrë në territorin e Republikës së Kosovës. Qëndrimet e përsëritura të z. Petkoviq ndaj Republikës së Kosovës kanë karakter tejet dezinformues, propagandues dhe synojnë nxitje të urrejtjes”, thuhet në njoftim.
