Gërvalla tha se programi i dytë që ka paraparë Ministria e Punëve të Jashtme për diasporën këtë vit, ka të bëjë me diplomacinë publike.
“Programi i dytë i cili është fillimisht një program pilot është një program që ka të bëjë me diplomacinë publike. Është një interesim i natyrshëm i Republikës që të rinjtë që janë lindur e rritur në diasporë që ta njohin Kosovën përtej lidhjeve familjare”, ka thënë Gërvalla në një konferencë për media.
Po ashtu, zëvendësministrja e MPJ-së, Liza Gashi në këtë konferencë tha se platforma “ShijoKosovën” do të lansohet të mërkurën në Gjilan.
“Si Ministri e Punëve të Jashtme në kuadër të Karavanit është pikërisht programi i diplomacisë qytetare. Është program lidershipi i cili është i dizajnuar që të zgjasë 6 muaj. Ky program është si pjesë e ndërlidhjes së strategjisë për diplomaci qytetare. Ftoj të gjithë të rinjtë dhe të rejat që të jenë pjesë e programit dhe të presim një ndërlidhje të tyre”, ka thënë Gashi. /teve1.info/
