Në një njoftim për media nga MPJD-ja është bërë e ditur se këto janë konsultimet e para të mbajtura në mes dy ministrive që nga vendosja e marrëdhënieve diplomatike në mes dy vendeve.
“Sot në Ankara, në kryesimin e Zëvendësministrit të Punëve të Jashtme dhe Diasporës, z. Kreshnik Ahmeti, dhe homologut të tij turk, z. Faruk Kaymakçı, u realizuan Konsultimet Politike në mes të Ministrisë së Punëve të Jashtme dhe Diasporës së Republikës së Kosovës dhe Ministrisë së Punëve të Jashtme të Republikës së Turqisë. Këto janë konsultimet e para të mbajtura të dy ministrive që nga vendosja e marrëdhënieve diplomatike në mes të dy vendeve. Takimi në fjalë u realizua në një frymë pozitive ku u trajtuan marrëdhëniet dypalëshe, bashkëpunimi e koordinimi në çështjet rajonale, si dhe trajtimi i procesit integrues të dy vendeve në Bashkimin Evropian”, thuhet në komunikatën e MPJD-së. /tëvë1.info/
