Në media sot është raportuar se misioni paqeruajtës i NATO-s në Kosovë, KFOR ka arritur një marrëveshje me protestuesit në veri për tërheqje të trupave dhe lirim të burgosurve që u arrestuan dje si të dyshuar për sulmet në Zveçan.
E zëdhënësja e Ministrisë së Punëve të Brendshme, Nora Fetoshi për teve1.info ka thënë se nuk ka ndonjë marrëveshje mes KFOR-it dhe protestuesve në veri vendit, teksa ka thënë se informacioni për tërheqjen e trupave dhe lirmin e të burgosurve nuk është i vërtetë.
“Lajmi për arritjen e marrëveshjes mes KFOR-it dhe protestuesve, nuk qëndron. Nuk ka marrëveshje të tillë. Çfarëdo marrëveshje që flet se është arritur mes KFOR-it dhe protestuesve tërheqjen e trupave dhe lirimin e të burgosurve nuk është i vërtetë dhe nuk qëndron”- ka deklaruar Fetoshi për teve1.info.
Ndryshe, edhe sot serbët lokalë në Zveçan, Leposaviq dhe Zubin Potok po protestojnë kundër kryetarëve të rinj shqiptarë të këtyre tri komunave.
Ekipet e Tëvë1, janë duke i përcjellur nga afër këto protesta.
