Jose Mourinho ka hedhur poshtë spekulimet se është i interesuar të transferojë Paulo Dybalan dhe Romelu Lukakun te skuadra e Fenerbahçes.
Trajneri nga Portugalia, të dielën edhe prezantuar te skuadra turke me të cilën ka firmosur kontratë deri në verën e vitit 2026. Më të marrë postin e trajnerit te Fenerbahçe, mediumet e huaja kanë shkruar se Mourinho po synon transferimin e Dybalas dhe Lukakut, lojtarë që i ka stërvitur te skuadra e Romës.
Megjithatë, Mourinho ka insistuar se nuk e ka ndërmend të transferojë lojtarë të ish-klubeve ku ka punuar, por ka premtuar se Fenerbahçe do të ketë një ekip të fortë për sezonin e ri.
Mourinho në janar të këtij viti u shkarkua nga Roma, ndërsa si trajner ka punuar edhe te Tottenhami, Manchester Unitedi, Chelsea, Real Madridi e Porto. Dybala ka kontratë me Romën deri në vitin tjetër, ndërsa Lukaku ishte i huazuar nga Chelsea.
