Jose Mourinho është i gatshëm për ta marrë drejtimin e Bayern Munichut, nëse drejtuesit e klubit gjerman marrin vendim për ta shkarkuar Thomas Tuchelin.
“Bild” ka raportuar të hënën se te Bayerni nuk janë aspak të kënaqur me rezultatet e Tuchelit, ndërsa tifozët e klubit gjerman po e kërkojnë vazhdimisht shkarkimin e tij.
Duke pasur parasysh këtë situatë, thuhet se Mourinho tashmë ka filluar ta mësoj gjuhën gjermane dhe ka njoftuar drejtuesit e Bayernit se është gati për postin e trajnerit.
Mourinho, aktualisht është i papunë pasi javë më parë u largua nga skuadra e Romës, ndërsa Tuchel ka kontratë me Bayernin deri në vitin 2025.
