Nga IHMK-ja është bërë e ditur se vranësirat parashihen, që në pjesën perëndimore, kryesisht në Junik dhe vendet për rreth viseve malore, të sjellin riga shiu.
“Do të mbajë mot kryesisht i qetë, me vranësira dhe intervale me diell. Vranësirat parashihen, që në pjesën perëndimore, kryesisht në Junik dhe vendet për rreth viseve malore, të sjellin riga shiu”, thuhet në njoftim.
Sipas IHMK-së, temperaturat minimale do të lëvizin ndërmjet 6-9 gradë Celsius, ndërsa maksimalet e ditës parashihen të lëvizin ndërmjet 20-23 gradë Celsius.
“Do të fryjë erë e lehtë deri mesatare nga drejtimi i verilindjes”, thuhet më tej në njoftimin e IHMK-së. /teve1.info/
