Situata në komunat e veriut të Kosovës, aktualisht është e qetë, por e brishtë.
Atje tash e sa javë protesutesit serbë, po qëndrojnë para objekteve komunale duke kundërshtuar zgjedhjen e kryetarëve shqiptarë.
Për të dalë nga kjo gjendje, Kryeministri Albin Kurti kishte paraqitur një plan për de-eskalim të situatës atje, por që nga Unioni Evropian nuk ishte konsideruar i denjë.
Në anën tjetër edhe blloku evropian doli më një plan, i cili duhej përbushej domdosdoshëmrisht.
Shtensionimi i situatës në veri të Kosovës, zgjedhjet e reja në komunat veriore dhe kthimi në normalizim, ishin trepikëshi i prezantuar nga BE.
Ish-diplomati, Blerim Canaj vlerëson që kërkesat duhet të merren me seriozitet të plotë.
Kjo për shkak se nëse nuk merren në konsideratë, mund të ketë të tjera masa ndëshkuese.
“Ne që kemi jetuar edhe në periudha tjera politike e dimë që kur fillojnë sanksionet ato pastaj vazhdojnë të forcohen. Me siguri që do të presim më tutje forcim të sanksioneve. Momentalisht nuk jemi në një situatë se kush e di çka do të ndodh, ne nuk jemi ndonjë fuqi ekonomike, politike apo ushtarake”, tha Canaj.
Tre pikëshin e BE-së e sheh pozitive edhe analisiti politik, Tomorr Avdia.
Mirëpo nëse nuk ka hapa në drejtim të tyre, sipas tij ekziston rreziku për masa shtesë.
“Në rast të kundërt, nga kjo status – kohë që po vazhdon të jetë në veri të vendit, do të ndikojë që të rritet presioni në adresë të institucioneve tona dhe qeverisë. Por do të ketë edhe forma tjera ku do të rritet negociimi, kësaj jave kemi parë ndërhyrje të tjera shtesë për zgjidhjen e kësaj situate”, tha Avdia.
Gjendja në tri komunat veriore të Kosovës, Leposaviq, Zubin Potok e Zveçan u tensionua pasi kryetarët e rinj shqiptar, hyjnë në objektet e komunave me asistimin e policisë së Kosovës.
