Një menaxher lokali në Skenderaj, ka pësuar lëndime pasi dy të dyshuar meshkuj, të cilët kishin konsumuar pije në lokal, për shkak të mosmarrëveshjes rreth pagesës, e kanë sulmuar fizikisht atë.
Po ashtu, sipas policisë, dyshohet se ka pasur edhe të shtëna me armë zjarri.
Viktima, pas tretmanit mjekësor në Spitalin Rajonal në Mitrovicë, është liruar ndërsa të dyshuarit të cilët ishin larguar nga vendi i ngjarjes, janë arrestuar dhe pas intervistimit, me urdhër të prokurorit janë dërguar në mbajtje.
“Rr. 28-Nëntori, Skenderaj 07.04.2023 – 00:40. Viktima mashkull kosovar (menaxher lokali) ka pësuar lëndime, pasi që dy të dyshuar meshkuj kosovarë të cilët kishin konsumuar pije në lokal, për shkak të mosmarrëveshjes rreth pagesës, kanë sulmuar fizikisht viktimën dhe po ashtu dyshohet se ka pasur edhe të shtëna me armë zjarri. Viktima pas tretmanit mjekësor në Spitalin Rajonal në Mitrovicë është liruar, ndërsa të dyshuarit të cilët ishin larguar nga vendi i ngjarjes, janë arrestuar dhe pas intervistimit, me urdhër të prokurorit janë dërguar në mbajtje. Po ashtu, në konsultim me prokurorin, janë bastisur dy lokacione-shtëpi të dyshuarve, por nuk është gjetur asgjë e dyshuar”, thuhet në raportin 24 orësh të policisë./teve1.info/.
