Një rast i sulmit është inicuar paraditen e djeshme në qytetin e Vushtrrisë.
Bëhet e ditur se ish-bashkëshorti e ka sulmuar ish-bashkëshorten fizikisht, pas një mosmarrëveshjeje rreth fëmijëve.
I dyshuari është arrestuar e më pas liruar në procedurë të rregullt kurse ndaj viktimës është lëshuar urdhër për mbrojtje të përkohshme emergjente.
“Është arrestuar i dyshuari mashkull kosovar i cili pas një mosmarrëveshje që kishte pas me ish bashkëshorten e tij rreth fëmijëve e kishte sulmuar fizikisht atë. Viktimës i është ofruar ndihmë mjekësore dhe të njëjtës i është lëshuar urdhër për mbrojtje të përkohshme emergjente. Pas intervistimit me urdhër të prokurorit i dyshuari është liruar në procedurë të rregullt”, thuhet në njoftimin e PK-së.
