Policia e Kosovës ka dhënë detaje të reja lidhur me rastin e gruas që u arrestua dje në Viti, për posedim të armës në mënyrë të kundërligjshme.
Policia thotë se e njëjta ka pasur mosmarrëveshje në familje.
Ndërkohë, në raportin policor është bërë e ditur se arma që i është gjetur, bashkë me 36 copë fishekë, ishte e prindit të saj.
“Është raportuar se e dyshuara femër kosovare, ka pasur një mosmarrëveshje në familje, e njëjta është takuar në rrugë nga policia dhe gjatë kontrollit në automjet i është gjetur dhe konfiskuar një pistoletë me dy karikatorë me 36 copë fishekë pronë e prindit të saj. Palët janë intervistuar dhe me vendim të prokurorit janë liruar në procedurë të rregullt”, thuhet në raport./teve1.info/
