Një mosmarrëveshje dërgoi deri të vrasja e një personi në Banjë të Malishevës. I dyshuari për vrasje i cili ka qenë kolegë i punës i viktimës, u dorëzua vetë në Polici. Prokuroria ia caktoi masën e ndalimin për 48 orë.
Shenjat e gjakut në rrugën e fshatit Banjë të Malishevës u pastruan me ujë.
Në orën 7 këtu dyshohet se pati shkrepje të armës mbi një burrë.
Mëngjesin e se mërkurës dyshohet që është qëlluar me arme zjarri një mashkull. Ekipet mjekësor kanë dalë vendin e ngjarjes dhe kane konstatuar vdekjen e tij.
E i dyshuari për vrasje u dorëzua vetë në Polici.
Një person, po ashtu mashkull i moshës madhore, është dorëzuar në Stacionin Policor në Malishevë dhe nga hetimet e para dyshohet se i njëjti, për motive ende të panjohura, ka qëlluar viktimën me armë zjarri.
E deri tek kjo ngjarje tragjike sipas Prokurorisë themelore në Gjakovë kishte ardhur si shkak i një mosmarrëveshje pune.
“Mundem me konfirmu që i dyshuari është ndaluar për 48 orë. Brenda afatit ligjore do të bëjmë kërkesën për caktimin e masës së paraburgimit për të dyshuarin. Si motive është një mosmarrëveshje që kanë pasur në lidhje me punën”, ka deklaruar bashkëpunëtori profesional i Gjykatës Themelore në Gjakovë, Hekuran Batusha.
Kurse kryetari i fshatit Bellanicë, ku ndodhi krimi, thotë se është habitur me këtë ndodhi.
Dyshohet që i ndjeri bashkë me dorasin kanë punuar në një vend pune.
I ndjeri ishte nga fshati Vraniq i Suharekës, dhe la pas vetes gruan dhe dy fëmijë.