Sulmuesi spanjoll i Atletico Madridit, Alvaro Morata pritet të konfirmohet shumë shpejt edhe zyrtarisht si lojtar i ri i Milanit.
Rossonerët kanë gjetur tashmë zëvendësuesin e Olivier Giroud, i cili u largua pas përfundimit të kontratës këtë verë.
Bëhet fjalë për fituesin e Kampionatit Evropian, kapitenin e Spanjës, Morata, i cili veçse mund të quhet një lojtar kuqezi.
Sipas ekspertit të transferimeve Fabrizio Romano, Morata ka kompletuar testet mjekësore dhe do të nënshkruaj kontratën si lojtar i ri i Milanit.
Marrëveshja me sulmuesin spanjoll ështa katërvjeçare me pagë 5 milionë euro në sezon dhe pritet të zgjas deri në verën e vitit 2028.
Transferimi i Moratas do t’i kushtojë Rossonerët 13 milionë euro, aq sa ishte klauzola e lojtarit te Atletico Madridi.
Këtë sezon Morata me ekipin nga “Wanda Metropolitana” realizoi 15 gola dhe 4 assistime në 32 ndeshje të zhvilluara në gjithsej me ekipin Madrilen. Po ashtu 31-vjeçari në të kaluarën ka bërë karrierë edhe tek Chelsea, Reali i Madritit dhe Juventusi.
