Alvaro Morata mund të rikthehet në kampionatin italian pas vetëm gjashtë muajve, raportojnë mediumet në Itali të mërkurën.
Bëhet e ditur se skuadra e Comos i ka bërë ofertë zyrtare Moratas, i cili në fillim të këtij viti u huazua te Galatasaray nga Milani.
Në fakt, huazimi i skadon Moratas në fund të këtij viti dhe Como ka kontaktuar Milanin për shërbimet e tij.
32-vjeçari ka kontratë me Milanin deri në vitin 2028, ndërsa pëlqehet shumë nga trajneri i Comos, Cesc Fabregas.
