Monako është bërë vendi i fundit që njeh shtetin palestinez, me Princin Albert II që e bëri njoftimin në samitin e Asamblesë së Përgjithshme të OKB-së më herët, raporton The Guardian.
Ai tha se që nga fillimi, vendi i tij ka mbrojtur të drejtën e Izraelit “për të jetuar brenda kufijve të sigurt dhe të njohur dhe për të gëzuar siguri atje”, si dhe “ të drejtën e popullit palestinez për të pasur një shtet sovran, të qëndrueshëm dhe demokratik” .
“Sot, dëshirojmë të riafirmojmë mbështetjen tonë të palëkundur për ekzistencën e Izraelit dhe gjithashtu dëshirojmë ta njohim Palestinën si shtet sipas ligjit ndërkombëtar ”, tha ai, duke u pritur me duartrokitje.
