Në një fotografi të publikuar nga Associated Press, shihet dikush nga Këshilli Organizativ, teksa heq simbolet e Kosovës nga Kongresi i UEFA-s që po mbahet në Beograd.
Në një fotografi tjetër që po qarkullon në rrjetet sociale, shihet sekretari i Federatës së Futbollit të Kosovës, Markus Weidner teksa po qëndron në Kongres, dhe para tij është vetëm logoja e FFK-së, pa flamur shtetëror, siç e kanë shtetet tjera.
Në këtë Kongres i pranishëm është kreu i Federatës së Futbollit të Kosovës, Agim Ademi, i cili mbrëmë u filmua pranë flamurit të Kosovës në vendin ku sot po mbahet kongresi i UEFA-s.
Flamuri i Kosovës ishte pranë 54 flamujve të shteteve tjera anëtare të UEFA-s.
E sot, Federata Serbe përmes një deklarate, u kërkoi falje serbëve, siç tha ajo “për lëshimin” dhe i qetësoi serbët, duke thënë se flamuri i Kosovës nuk është më aty.
