Kryetari i Partisë Socialdemokrate, Daradan Molliqaj, ka thënë se kryetari i PDK-së, Memli Krasniqi dhe ai i LDK- së, Lumir Abdixhiku, janë bërë pjesë e lojës së kryeministrit, Albin Kurti për të mos treguar përmbajtjen e draftit të Asociacionit të propozuar nga BE dhe SHBA.
Ai ka thënë se dy udhëheqësit e dy partive më të mëdha opozitare po i shërbejnë Kurtit në menaxhimin e opinionit publik.
“Puna e fshehtë është mënyra e kryeministrit. Pjesë e kësaj loje janë bërë edhe Memli Krasniqi e Lumir Abdixhiku. Ata jo thjesht kanë abstenuar nga çfarëdo kundërshtimi. Po i shërbejnë Kurtit edhe në menaxhimin e opinionit publik. Marrëveshjen e din Kurti, mbase Besnik Bislimi; e kanë parë edhe liderët opozitarë, askush tjetër”, ka shkruar Molliqaj, përcjell teve1.info
Kreu i PSD-së, ka thënë se dialogu i udhëhequr nga Kurti është më jo transparenti.
Kryeministri i Kosovës, Albin Kurti, ka thënë se drafti i propozuar nga BE dhe SHBA është më i avancuar se ai sipas marrëveshjes së vitit 2013 dhe 2015, duke thënë se po ashtu do t’i drejtohet Gjykatës Kushtetuese për interpretim.
Kurti ka thënë se mos publikimin tij është kërkesë e partnerëve ndërkombëtarë.
Kreu i PDK-së, Memli Krasniqi dhe nënkryetari i LDK-së, Lutfi Haziri, pas takimit që kanë zhvilluar të martën me Miroslav Lajçak, i dërguar i Bashkimit Evropian për dialogun Kosovë – Serbi, kanë
thënë se nuk e kanë parë draftin. Por këtë draft- statut ka pretenduar se e ka parë kryetari i AAK-së, Ramush Haradinaj në të njëjtin takim./teve1.info/
