Kryetari i Partisë Social Demokrate, Dardan Molliqaj është i bindur se kryeministri, Albin Kurti do ta pranojë formimine Asociacionit të Komunave me shumicë serbe.
Sipas Molliqaj, Kurti nuk thotë që nuk do të bëhet ndonjë Asociacion, por që do të bëhet një sipas Gjykatës Kushtetuese.
“Albin Kurtin nuk e keni prej që është bërë kryeministër i Qeverisë Kurti II, që thotë nuk bëjmë asnjë lloj Asociacioni. Gjithmonë, thotë një Asociacion sipas Gjykatës Kushtetuese, s’e lejon Gjykata Kushtetuese, duhet me ia ndërru emrin. Jo tash që dy vite. Kjo ka qenë arsyeja e analizës sonë që dy vite që jemi kanë të bindur që ky do ta bëjë, se ia kam këqyrë fjalinë saktë”, ka deklaruar i pari i PSD-së, në emisionin “Këndi i Debatit” në Tëvë1.
Molliqaj ka thënë se para një viti e ka analizuar se pse Kurti do ta bëjë Asociacionin.
“Unë kam qenë i vetmi përfaqësues i një partie politike që e kam shpjeguar, jo që e kam thënë se e bën, por që e kam shpjeguar që do ta bëjë Asociacionin, para një viti. Dhe kam bërë analizë se pse ka me bë, s’ka qenë në horizont, tani po bëhet. Kemi thënë që do t’i sulmoj të gjitha kategoritë shoqërore që nuk nënshtrohen, kam bërë analizë për sindikata, i ka sulmuar ma vonë”, u shpreh ai.
Molliqaj ka thënë se pas ndarjes nga partia e ka kuptuar karakterin e vërtetë të Vetëvendosjes.
“Problemi është që gjatë ndarjes me Albinin, unë e kam kuptuar karakterin e vërtetë të organizatës në të cilën jam kanë edhe kam ushtruar kapak aktivitete të tilla. Aty e kam kuptuar çfare janë. Kur e kam kuptuar këta është e thjeshtë se pastaj ti merr analiza se qysh ka ndodhë komunizmi njëjtë si në Kinë, si në Shqipëri, si në Varshavë, edhe këtu pastaj e kupton që partitë opozitare kanë sjellje të njëjtë në kontekste të ndryshme. Dhe për këtë arsye ne kemi përfunduar që Albin Kurti do ta bëjë Zajednicën ose Asociacionin – para dy viteve me analizë, ku për shumë njerëz na kanë thënë që ia ja keni inati ia jeni çmendur. Sigurisht që do ta bëjë”, tha Molliqaj.
