Real Madrid synon të zgjasë kontratën me Luka Modric edhe për dy javë të tjera në mënyrë që ta lejojë atë të marrë pjesë në Kupën e Botës për Klube këtë verë.
Kontrata aktuale e mesfushorit kroat skadon më 30 qershor 2025, por turneu ndërkombëtar, ku do të jenë edhe “Los Blancos”, do të zhvillohet pas kësaj date. Për këtë arsye, klubi spanjoll po vlerëson një rinovim afatshkurtër, që synon ekskluzivisht kompeticionin.
E ardhmja e numrit 10 kroat pas turneut mbetet e pasigurt, me disa klube, veçanërisht nga Lindja e Mesme dhe MLS, që e shikojnë situatën me interes.
Në moshën 38-vjeçare, Modric vazhdon të jetë një shembull profesionalizmi dhe përkushtimi (51 paraqitje, 4 gola dhe 7 asistime në të gjitha garat këtë sezon), por Reali po rinovon gradualisht skuadrën e tij dhe synon një tranzicion brezash në mesfushë.
