Mesfushori Luka Modriq do të mbetet pjesë e Real Madridit edhe pas përfundimit të edicionit aktual.
Trajneri Carlo Ancelotti në një intervistë për mediumet spanjolle, ka zbuluar se Modriq do ta rinovoj edhe për një vit kontratën me skuadrën e Realit.
Mesfushori kroat ka kontratë me Realin deri në fund të këtij edicioni, por pritet së shpejti ta rinovojë atë për ta konfirmuar qëndrimin e tij te skuadra spanjolle.
38-vjeçari është pjesë e Realit prej vitit 2012, ndërsa këtë edicion ka 1 gol të shënuar dhe 6 asistime në të gjitha garat.
