Ministria e Mbrojtës ka thënë se intervista e ministrit në detyrë Ejup Maqedonci dhënë për mediat kroate është keqinterpretuar në pyetjen, çfarë informacione keni për ushtarakët rusë që udhëzojnë ushtrinë serbe.
Zëdhënësja e kësaj ministrie, Liridona Gashi ka thënë se ministri thekson se ndikimi rus në Serbi është i qartë në forma të ndryshme.
“Ministri thekson që ndikimi rus në Serbi është i qartë ngase shprehet në forma të ndryshme të bashkëpumit, qoftë përmes ushtrime të përbashkëta ushtarake, blerjeve të sistemeve raketore ushtarake nga industria ruse, por edhe komunikimit të vazhdueshëm institucional me shërbimin inteligjent rus dhe ushtrinë ruse, e edhe me praninë fizike të intelegjencës ruse në Qendrën Humanitare Ruse në Nish. Shërbimi inteligjent rus i kryen aktivitetet e tij dashakeqe në lidhje me Ballkanin Perëndimor përmes të ashtuquajturës zyrë humanitare ruse në Serbi”, ka thënë Gashi.
