Ministria e Kulturës Rinisë dhe Sportit, në Ditën Botërore të Teatrove ka ndarë çmimet vjetore për teatrin.
Bazuar në vlerësimin e jurisë profesionale, ministri i Kulturës, Hajrullah Çeku, Çmimin Kombëtar për Vepër Jetësore në fushën e teatrit ia ndau Muradije Muriqit dhe Mejreme Berishës.
Ceremonia për ndarjen e Çmimeve Vjetore për Teatër 2022 është mbajtur në Ministrinë e Kulturës.
“Çmimi Vjetor për Shfaqjen më të mirë iu dha “Qendrës Multimedia” me shfaqjen “The Handke Project”. Çmimi Vjetor për Regjinë më të mirë iu dha regjisorit Fatos Berisha me shfaqjen “Pornography”. Çmimi Vjetor për Aktoren/Aktorin më të mirë iu dha aktores llire Vinca me shfaqjen “Babai dhe babai”.Çmimi Kombëtar për prezantim të suksesshëm ndërkombëtar iu dha Teatrit të Qytetit të Gjilanit”, thuhet në njoftimin e Ministrisë së Kulturës.
Ndërsa, pjesë e jurisë profesionale në këtë edicion ishin Luan Jaha, Agan Myfari, Drita Begolli, Kumrije Hoxha dhe Alban Beqiraj. /teve1.info/
