Personi që mbeti i lënduar nga një mjet shpërthyes në fshatin Babaj Bokës të Gjakovës, iu është këputur shuplaka e dorës si dhe ka marrë lëndime në dy këmbët.
Kështu ka bërë të ditur për teve1.info, mjeku kujdestar në Spitalin e Gjakovës, Gjok Komani.
“Lëndim nga një masë eksplozive që ia ka ataku shuplakën e dorës, e ka amputuar, e ka këput në fakt, edhe ka pasë lëndim të ekstremiteteve të poshtme, nën gju të dy anëve. Në anën e djathtë ka qenë edhe frakturë e nëngjurit me lëndim të indeve të buta, kurse në anën e majtë ka qenë vetëm lëndim i indeve të buta, pa frakturë, pa lëndim, pa ataktim të kockave”, u shpreh Komani.
Ai ka thënë se i njëjti është dërguar në QKUK për trajtim të mëtutjeshëm.
“Te ne është reanimu, është ekzaminuar dhe është dërguar në ekzaminim shtesë diagnostifikues, me rentgen e me këto dhe është konstatuar ato që thash më herët. Edhe ka marrë një dozë gjak dhe në mungesë të kirurgut vaskular, i cili në këto raste zakonisht konsultohet për arsye se mund të preket sistemi vaskular, është dërguar për Prishtinë për trajtim të mëtutjeshëm”.
Plagoset rëndë një person nga një mjet shpërthyes në Gjakovë