Dollonberg e cila drejton dy klinika në Hanover në Gjermani në një lidhje direkte për Tëvë1 foli për lijën e majmunëve dhe dallimet që ka me Covid – 19.
Ajo shpjegoi simptomat e kësaj sëmundje duke thënë se personat që janë të infektuar me lijën e majmunëve kanë simptoma të lehta dhe se kjo sëmundje nuk transmetohet lehtë sikurse koronavirusi.
“Nuk kemi asnjë arsye për të bërë panikë apo për të pasur frikë nga lija e majmunit sepse ndryshe nga koronavirusi, ky virus është shumë herë më i padëmshëm, më i lehtë. Nga forma e tij klinike është më i vështirë për t’u përhapur sepse është vetëm nga kontakti i ngushtë e jo nëpërmjet rrugëve ajrore siç ka qenë koronavirusi”, tha ajo.
Tutje Dollemberg bëri të ditur se tashmë për lijën e majmunit ekziston vaksina përgjithshme e cila është përdorur që nga viti 1970 kundër lisë.
“Për këtë virus ne për fatin e mirë që prej vitit 1970 kemi një vaksinë që është vaksina e përgjithshme kundër lisë edhe pse ky ka marrë titullin lija e majmunit sepse është zbuluar për herë të parë tek majuni po përsëri janë brejtësit, pra kafshët… transmetuesit e lisë tek njeriu dhe kundër këtij virusi ne kemi që në fëmijëri një vaksinë që e marrin në mënyrë të detyrusheme pjesa ma e madhe e popullatës. Lija e majmunit nuk përbënë rrezik për një epidemi të re”, theksoi ajo tutje në “Ditari” në Tëvë1.
