Brenda Klinikës Intensive ende është duke marrë trajtimin mjekësor.
Nga goditja që iu shkaktua të enjten nga rënia e një pjese e çatisë së objektit të komunës së Prishtinës, pësoi lëndime të rënda.
Ndonëse gjendja e vajzës është stabile, mjekët ende janë duke përpjekur që pasojat të jenë minimale.
Për të parë gjendjen e saj, në Klinikën Intensive erdhi edhe kryeministri, Albin Kurti, i shoqëruar nga ministri i Shëndetësisë, Arben Vitia.
E pas vizitës që bënë, Kurti, tregoi se e lënduar është motra e deputetes së Lëvizjes Vetëvendosje, Fjolla Ujkanit.
E për çatinë e Komunës së Prishtinë, Kurti pret hetime.
Hetimet për këtë rast kanë nisur edhe nga Prokuroria e Themelore e Prishtinës.
Kurse puna brenda Komunës së Prishtinës është ndalur.
Komuna është e rrethuar me shirita e Policisë e brenda saj nuk qëndron askush.
Por nga kjo Komunë nuk kanë treguar arsyet që dërguan deri të rrëzimi e çatisë.
Komuna e Prishtinës po ashtu ka bërë të ditur se janë duke bërë rivlerësim dhe se gjatë ditëve në vijmë do të njoftojnë qytetarët kur do të jetë ndërtesa e hapur për shërbime të ndryshme komunale.
