Të hënën në Kosovë ka arritur një ekip i mjekëve dhe ekspertëve nga Turqia, të cilët do të realizojnë 16 operacione kardiokirurgjike te fëmijët me probleme në zemër në QKUK.
Lajmi është bërë i ditur nga Ministria e Shëndetësisë.
Sipas njoftimit mjekët janë pritur nga ministri i Shëndetësisë Arben Vitia, ambasadori i Turqisë në Kosovë, Tunç Angili dhe drejtori i përgjithshëm i Shërbimit Spitalor dhe Klinik Universitar, Elvir Azizi.
Me këtë rast, ministri Vitia dhe ambasadori i Turqisë, Tunç Angili u kanë dëshiruar mirëseardhje ekspertëve dhe u janë falënderuar ambasadorit turk për kontributin e vazhdueshëm që po japin për shëndetësinë kosovare.
“Në emër të ekipit të ekspertëve foli doktori Alper Guzeltas, i cili fillimisht tha se ndjehet i nderuar që është udhëheqës i ekipit dhe që ka mundësi të kontribuoj për fëmijët e Kosovës. Ekipi i mjekëve po qëndron në Kosovë në bashkëpunim dhe mbështetje të organizatës Muntada Aid, Kabir Miah, kurse koordinimin punës e ka bërë doktori Ramush Bejiqi”, thuhet në faqen e Ministrisë së Shëndetësisë.
