Një kosovar në Mitrovicën Veriore është ankuar në Policinë e Kosovës se para hyrjes së banesës së tij ka gjetur një flamur serb.
Ankuesi ka raportuar se bashkë me flamur ishte edhe një letër me mbishkrim nacionalist.
Policia e Kosovës në raportin ditor bënë të ditur se për këtë rast është njoftuar prokurori.
Ndërkohë, rasti është iniciuar “Nxitje e përçarjes dhe mosdurimit”, dhe i njëjti është duke u hetuar.
“Mitrovicë-Veri 21.10.2023-13:30. Ankuesi kosovar ka raportuar se para hyrjes së banesës së tij, ka gjetur një flamur serb dhe një letër me mbishkrim nacionalist. Lidhur me rastin është njoftuar prokurori. Rasti nën hetime”, thuhet në raportin e PK-së./teve1.info/
