Kombëtarja e Malit të Zi të premten do të zyrtarizojë trajnerin e ri, ish-futbollistin e njohur, Mirko Vuçiniq.
Siç raportohet nga Sky Sport, Vucinic do të jetë selektor i ri i malaziasve, i cili do të zëvendësojë Robert Prosineqkin e shkarkuar një ditë më parë.
Ish-sulmuesi, i Lecces, Romës dhe Juventusit në Itali, pritet të zyrtarizohet më 19 shtator, edhe pse vendimi duket se është marrë tashmë.
Kjo do të jetë përvoja e parë e Vuçiniqit në stol, megjithëse ai kishte qenë një figurë kyçe me ekipin kombëtar të malit të Zi, që nga janari i vitit 2022, kur u emërua në stafin e trajnerëve.
Debutimi i tij si trajner do të jetë në ndeshjet kualifikuese të Botërorit, kur Mali i Zi do të luajë me Ishujt Faroe.
Si lojtar, Vuçiniq luajti në 46 ndeshje për vendin e tij, duke shënuar 17 gola. Në Itali, sulmuesi ka luajtur 118 ndeshje për Leccen (37 gola); 203 paraqitje në periudhën e tij pesëvjeçare te Roma (64 gola) dhe së fundmi, 96 paraqitje (26 gola) në tri vite te Juventusi.
