Rezoluta e Parlamenti Evropian me të cilën e cilëson si terrorist sulmin e 24 shtatorit ndaj Policisë së Kosovës, është përshëndetur në Prishtinë nga pushteti e opozita.
Deputetja e Kuvendit nga radhët e Lëvizjes Vetëvendosjes, Arbëreshë Kryeziu, thotë se kjo rezolutë do t’i shërbej Kosovës për të kërkuar nga BE-ja një qasje më të balancuar në dialog.
Ndërsa, deputetja e Aleancës për Ardhmërinë e Kosovës, Time Kadrijaj, thotë se qeveria në bashkëpunim me ndërkombëtarët duhet ta përdorë atë, në të mirë të procesit të dialogut.
Institucionet e Kosovës janë duke pritur nga bashkësia ndërkombëtare që të sanksionojnë Serbinë për sulmin e 24 shtatorit, por faktori ndërkombëtar po pret fundin e hetimeve për një hap të tillë.
