Po e mbajnë mbledhjen e katërt për këtë vit.
E pikërisht në këtë takim Zyra e Rregullatorit të Energjisë miratoi rritjen e çmimit të rrymës prej 16.1%.
Udhëheqësi i Departamentit të Tarifave në ZRRE, Muharrem Gashi bëri të ditur se tarifat e reja do të vlejnë për faturat nga 1 maji.
“E lus bordin më i shqyrtu e me i miratu tarifat me pakicë të energjisë elektrike për konsumatorët me të drejtë të furnizimi me shërbim universal të mbulohet nga data 1 maj 2025 me rritje lineare prej 16.1% për të gjitha kategoritë e konsumatoreve”, tha Muharrem Gashi – udhëheqës i departamentit të tarifave në ZRrE.
Këtë propozim e miratuan që të gjithë anëtarët e bordit të ZRRE-së.
“Me pesë vota për aprovohen tarifat me pakicë për konsumatorët me shërbim universal siç janë të përcaktuara kriteret në legjislacionin primar. Gjithë konsumatorët që kanë të drejtë me u furnizuar me tarifa me shërbim universal janë konsumatorët shtëpiak ose familjar dhe bizneset e vogla me qarkullim më pak se 10 milionë dhe më pak se 50 punëtorë. Pra janë këto dy kategori që kanë të drejtë të furnizohen përmes furnizuesit me shërbim universal KESCO për periudhën tarifore 1 maj deri me 31 mars të vitit të ardhshëm”, tha Ymer Fejzullahu, kryesues i Bordit të ZRrE-së.
E më pesë vota për dhe asnjë kundër u miratua edhe një pikë tjetër e rendit të ditës.
“Të hyrat e lejuara maksimale për operatorin e sistemit të shpërndarjes janë aprovuar në vlerë prej 180 milionë e 653 mijë euro, të cilat duhet të mbulohen përmes tarifave të shpërndarjes të ndara sipas niveleve të tensionit. Për nivelin 35 kWh është propozuar tarifa prej 1.74 euro për kah, për nivelin 10 kËh është propozuara tarifa 2.33 euro për kah në orë, edhe për nivelin 0.4 kWh është propozuar tarifa prej 3.46 euro për kWh në orë”, shpjegoi Elvira Cakaj – analiste e energjisë termike në ZRrE.
Në mbledhjen e mbajtur këtë të mërkurë bordi i ZRRE-së miratoi edhe pika të tjera të rendit të ditës siç është edhe ajo e shqyrtimit të ankesave të konsumatorëve.
E pikërisht kur radha i erdhi këtyre, u kërkua që mbledhja të mbahej e mbyllur për shkak siç tha ai të mbrojtjes së privatësisë së konsumatorëve.
