Ministria e Financave ka njoftuar se rregullorja për funksionimin e Komisionit Mediko-Social është miratuar, duke përfshirë disa ndryshime të rëndësishme.
Sipas njoftimit rregullorja për Funksionimin e Komisionit Mediko-Social është miratuar, “duke përfshirë disa ndryshime të rëndësishme, ndër to:
-Eliminimin e procesit të rivlerësimit, një kërkesë kyçe e komunitetit;
-Rregullimin e procedurës së aplikimit për njohjen e statusit të personit të verbër;
-Përmirësimin e kritereve dhe procedurave ekzistuese.
Është e rëndësishme të theksohet se Ministria e Financave, Punës dhe Transfereve ka përmirësuar gjithashtu procedurat për vlerësimin e personave paraplegjikë dhe tetraplegjikë, duke mundësuar aplikimin elektronik për këtë kategori”, thuhet në njoftim.
