Në fjalën e tij, Kryeministri i vendit, Albin Kurti tha se ky projektligj adreson problematikat me të cilat është përballuar administrata ndër vite dhe zbrazësit që ka ligji aktual, shkruan teve1.info.
“Me këtë projektligj po hapim administratën për të gjithë duke përfshirë nëpunësit brenda shërbimti civil, mërgatën tonë, profesionistët nga sektori privat dhe të rinjtë e të rejat tona. Grave dhe vajzave të cilat nuk janë të përfaqësuara sa duhet po u krijohet mundësia reale për tu avancuar në pozitat e kategorive më të larta, po rregullohet angazhimi i praktikantëve në shërbimin civil si dhe për herë të parë po krijohen kushtet për punësim vullnetar të zyrtarëve pas moshës së pensionimit”, tha Kurti.
Ndërsa, Ministri i punëve të Brendshme, Xhelal Sveçla, tha se përmes këtij projektligji synohet të rregullohen marrëdhëniet e punës për çdo zyrtarë publik.
“Projektligji krijon mekanizmat e duhur për një administratë publike e cila funksionin bazuar në parimet e qeverisjes së mirë, transparencës dhe llogaridhënies”, tha Sveçla./Teve1.info/
