Në mbledhjen e sotme të Qeverisë së Kosovës u miratua projektligji për përfaqësimin e institucioneve shtetërore në procedura gjyqësore dhe Arbitrazh (MD).
Kryeministri i vendit, Albin Kurti tha se ky projektligj kontribuon ne fuqizimin e mëtejmë në procedurat gjyqësore dhe Arbitrazh.
Kurse ministrja e Drejtësisë, Albulena Haxhiu, tha se prioritet i Ministrisë të cilën ajo e drejton, është fuqizimi i avokaturës shtetërore dhe duke pasur parasyshë rëndësinë që ka ky projektligj, ajo ftoi ministrat që ta votojnë projektligjin.
“Projektligji parasheh, përcaktimin e kompetencave të avokaturës shtetërore, mënyrën e raportimit të avokatit të përgjithshëm shtetërorë, rregullimin e punës se avokatit te komunës. Së fundmi kemi rritur numrin e avokatëve shtetërorë sepse ka qenë shumë i vogël. Dhe një nga prioritetet e radhës së Ministrisë së Drejtësisë është fuqizimi i avokaturës shtetërore, prandaj duke pasur parasysh rëndësinë që e ka ky projektligj ju ftoj ta votoni”, tha Haxhiu./teve1.info./
