Qeveria e Kosovës ka miratuar Projekt-udhëzimin Administrativ për mënyrën e kompensimit përfshirë edhe llogaritjen e kompensimit për dëmtimet e shumëfishta për viktimat e krimit.
Ministra e Drejtësisë, Albulena Haxhiu ka thënë se ky Projekt-udhëzim Administrativ përcakton mënyrat e kompensimit përfshirë edhe procedurën e pranimit, trajtimit, shqyrtimin e kërkesave, llogaritjen dhe vendimmarrjen për kompensimin e viktimave të krimit dhe bartëseve të tyre.
“Ky Projekt-ligj Administrativ përcakton mënyrat e kompensimit përfshirë edhe procedurën e pranimit, trajtimit, shqyrtimin e kërkesave, llogaritjen dhe vendimmarrjen për kompensimin e viktimave të krimit dhe bartëseve të tyre, si specifikime pra, që derivojnë nga ligji për kompensime e viktimave të krimit. Me këtë Projekt-udhëzim Administrative mundësohet eliminimi i të gjitha të metave, apo pengesave lidhur me zbatimin e legjislacionit primare, krijimi i një infrastrukture që synon një ambient të qëndrueshëm dhe në funksion të mbrojtjes së viktimave të krimit”, tha ajo në mbledhjen e Qeverisë./teve1.info
