Zyra e Rregullatorit për Energji ka miratuar të mërkurën tarifat e reja të energjisë elektrike, që mesatarisht janë 16.1 për qind më të larta se që ishin deri tash.
Pikat të cilat janë miratuar në këtë mbledhje janë Shqyrtimi i propozimit për aprovimin e Tarifave për Shfrytëzimin e Rrjetit të Transmetimit dhe Tregut ( OST/OT); Shqyrtimi i propozimit për aprovimin e Tarifave për Shfrytëzimit e Rrjetit të Shpërndarjes ( OSSH); Shqyrtimi i propozimit për aprovimin e Tarifave për Furnizuesin me Shërbim Universal ( FSHU).
Tarifat e reja do të vlejnë për faturat nga 1 maji.
Ndryshe, tarifa e ditës për ata që shpenzojnë më pak se blloktarifa prej 800 kilovatë në muaj, nga 7.79 centë ka mbërritur në 9.05 centë për kilovat.
Tarifa e natës për ata që shpenzojnë më pak se blloktarifa prej 800 kilovatë në muaj nga 3.34 centë ka mbërritur në 3.88 centë për kilovat. Për kilovatët e shpenzuar mbi blloktarifën prej 800 kilovatësh, çmimi për tarifën e ditës ka shkuar nga 13.29 centë në 15.43 centë, ndërsa ajo e natës nga 6.27 centë në 7.28./teve1.info/
