Qeveria e Kosovës ka miratuar Rregulloren e re për të Drejtat në Rabat.
Ky veprim sipas kryeministrit Kurti do të nisë një etapë të re për industrinë e kinematografisë në Kosovë.
“Kjo rregullore do ta bëjë vendin tonë destinacion kryesor për prodhimtari filmike në rajon. Përmes saj, kompanitë e huaja filmike do të kenë mundësinë që të xhirojnë projektet e tyre në territorin e Kosovës, për të cilin investim do të rimbursohen 30% të shpenzimeve të pranueshme që i kanë harxhuar në bizneset, shërbimet, e burimet njerëzore vendore. I njëjti instrument aplikohet edhe për kompanitë që zhvillojnë video-lojërave”, ka thënë Kurti në mbledhjen e ekzekutivit.
Ministri i Kulturës, Hajrulla Çeku ka thënë se rabati nuk do të jetë vetëm për filma e seriale, por edhe për animacion, videoklipe e video-lojëra.
“Miratimi i rregullores padyshim se do të nisë një etapë të re”, është shprehur Çeku.
