Roma edhe pse shënoi e para në “King Power Stadium” përballë Leicesterit nuk ia doli të merrte fitoren në takimin e parë gjysmëfinal të Conference League. Kualifikimi mbetet i hapur në sfidën e “Olimpicos”. Në fund të ndeshjes, dy teknikët folën për mikrofonat e UEFA-s, por kur erdhi momenti i Rodgers, Mourinho “ndërhyri” duke e ndërprerë teknikun dhe duke bërtitur: “Brendan më dhuroi një shishe verë të bardhë, më të mirën që mund të ekzistojë!”
Trajneri i Leicesterit, mik i “Special One” që nga koha e aventurës së tyre te Chelsea, buzëqeshi dhe tha me shaka: “Po, më ka kushtuar shtrenjtë!” Në fakt, në Angli është zakon konsumimi i një gote vere mes trajnerëve kundërshtarë ose dhurimi i një shishe vere.
Në “Olimpico” Mourinho do të bëjë nderet e shtëpisë, duke e pritur trajnerin në mënyrën më të mirë të mundshme.