Ministrja e Drejtësisë, Albulena Haxhiu ka suspenduar sot përmbaruesin Irfan Kërçagu.
Përmes një postimi në Facebook, ajo ka thënë se si ministre është zotuar në mbrojtjen e interesit publik dhe çdo vendim i saj “do të jetë në linjë me këtë parim”, përcjell teve1.info
“Profesionet e lira duhet t’u shërbejnë qytetarëve dhe institucioneve e jo të kontribuojnë në dëmtimin e tyre. Duke pasur parasysh ankesat e qytetarëve dhe institucioneve ndaj përmbaruesve, i bëj thirrje të gjithë përmbaruesve që të respektojnë përgjegjësitë e tyre sepse nuk do të tolerojmë asnjë tejkalim kompetence apo shkelje”, ka shkruar ajo.