Përmes një përgjigje elektronike, nga Ministria e Mjedisit është thënë se janë duke punuar në hartimin e një draft-dokumenti për reduktimin e këtyre qeseve.
“MMPHI në bashkëpunim dhe në mbështetje me GIZIN është duke hulumtuar në reduktimin e qeseve plastike, njëkohësisht janë kontaktuar edhe bizneset e qeseve plastike dhe shitësit me pakicë dhe të gjithë janë dakorduar që të bëhet reduktimi i qeseve plastike. Nga hulumtimi i ekspertëve të angazhuar nga GIZ, do të punohet draft dokumenti dhe varësisht nga rekomandimet që do të dalin nga draft dokumenti MMPHI-së do ndërmerren veprimet e nevojshme për reduktimin e qeseve plastike”.
Një iniciativë e tillë po mirëpritet edhe nga Komisioni Parlamentar për Mjedis.
Ndërsa, njohësi i mjedisit Besnik Shabiu tregoi disa praktika që shtet e zhvilluara ndjekin për eliminim e qeseve plastike.
E mundësinë që të largohen nga përdorimi qeset e plastikës po e mirëpresin edhe qytetarët.
Së fundmi Shqipëria është shteti i radhës që zyrtarisht ka ndaluar përdorimin e qeseve të plastikës njëpërdorimshe.
Kronika e realizuar nga gazetarja Besiana Visoka
