Ministria e Infrastrukturës, Mjedisit dhe Planifikimit Hapësinor ka marrë vendim që ndalojë qarkullimin në autoudhë, rrugë nacionale dhe rajonale për të gjitha automjetet e transportit të mallrave me peshë më të madhe se 7.5T.
Kështu ka bërë të ditur, zëvendësministri Hysen Durmishi përmes një postimi në Facebook.
Durmishi ka thënë se ky vendim është marrë me qëllim të ruajtjes së rrugëve nga dëmtimet si rezultat i temperaturave.
“Bazuar në rekomandimet e Departamentit për Menaxhimin e Rrugëve dhe Policisë së Kosovës, me qëllim të ruajtjes së rrugëve nga dëmtimet si rezultat i temperaturave të larta kemi marrë vendim: Ndalohet qarkullimi në autoudhë, rrugë nacionale dhe rajonale për të gjitha automjetet e transportit të mallrave me peshë më të madhe se 7.5T. Ky vendim vlenë nga data 14 korrik 2024 deri më 31 korrik 2024 për periudhën nga ora 11:00 deri në ora 17:00”, ka shkruar Durmishi./teve1.info/
