Në cilësinë e të dyshuarit, u intervistua për disa orë në Drejtorinë e Krimeve Ekonomike të Policisë së Kosovës.
Faton Peci u pyet gjerë e gjatë për dhënien me qera të fabrikës për përpunimin e nënprodukteve shtazore.
Intervistimi i tij ngjalli reagime të shutma.
Bashkë-partiakja e Pecit dhe ministrja në detyrë e Punëve të Jashtme, Donika Gërvalla, i ka konsideruar bastisjet dhe intervistimin si një inskenim të kryeprokurorit të Speciales, Blerim Isufaj.
Rastet e tilla, ish-kryetari i Gjykatës Supreme, Fejzullah Hasani, thotë se asnjëherë nuk duhet të ndërlidhen me emra të përveçëm, siç po ndodh tash duke u përmendur në vazhdimësi emri i kryeprokurorit të prokurorisë speciale, Blerim Isufaj.
“Nuk duhet me u lidhë dyshimet e ministrit me emrat e përveçëm te kryeprokurorit”.
Sipas Hasanit, këto reagime nuk duhet t’i frikësojnë përgjegjësit e ligjit.
E deklarimet e tilla, sipas Melos Kolshit nga IKD, janë ndërhyrje në drejtësi.
“Këtë deklarim të zonjës Gërvalla e sheh si një ndërhyrje të pastër në sistemin e drejtësisë, praktika të tilla janë jashtëzakonisht të dëmshme dhe që ndikojnë në besimin e qytetarëve në institucionet e drejtësisë. Institucionet e drejtësisë duhet të jenë të pavarura dhe nuk duhet të pengohen përmes deklarimeve nga pozitat e larta shtetërore, ekzekutive sic është rasti I ministres në detyrë, zonja Donika Gërvalla”, ka thëënë Melos Koloshi nga Instituti i Kosovës për Drejtësi.
Të martën, Policia e Kosovës ka kryer bastisje në Ministrinë e Bujqësisë. Përveç këtij institucioni, bastisje pati edhe në tri lokacione të tjera.
Sipas Prokurorisë Speciale, ky aksion u zhvillua lidhur me dyshimet për dhënien me qira të fabrikës për përpunimin e nënprodukteve shtazore.
