Peci në Facebook ka shkruar se në takim është biseduar rreth rëndësisë që sektori i bujqësisë ka për të dyja vendet, dhe sfidat e sigurisë ushqimore.
“Bashkëbiseduam rreth rëndësisë që sektori i bujqësisë ka për vendet tona duke theksuar edhe sfidat e sigurisë ushqimore me të cilat po përballet e gjithë bota. E njoftova znj. Shinko me angazhimet dhe prioritetet e mia me qëllim të avancimit të sektorit si një ndër sektorët me potencial për zhvillim ekonomik të qëndrueshëm”, ka shkruar Peci.
Teksa ka ftuar homologen e tij që në një të ardhme të afërt ta vizitojë Kosovën.
“Me qëllim që të thellojmë bashkëpunimin ndërshtetëror në shkëmbimin e përvojave dhe ekspertizës e ftova homologen time që ta vizitojë Kosovën në një të ardhme të afërt. Njëherit e falenderova Ministren Shinko për ftesën për mikpritjen si dhe për përkrahjen e vazhdueshme që Sllovenia i ka dhënë Kosovës në shumë sektorë, duke përfshirë këtu edhe sektorin e bujqësisë dhe pylltarisë”, shkroi tutje ai./teve1.info./
