Por makina zyrtare më të cilën udhëton ministri i Shëndetësisë, Rifat Latifi, rrallë po shihet te ky vend.
Kjo pasi ky i fundit, që nga nëntori kur e mori pozitën si i pari i këtij dikasteri, ka zhvilluar plot 5 vizita jashtë Kosovës.
E tri prej tyre, ishin në Shtetet e Bashkuara të Amerikës, ku ndodhet edhe aktualisht.
Nga Ministria e Shëndetësisë në një përgjigje për Tëvë1, kanë thënë se ministri Latifi ndodhet në një vizitë zyrtare në SHBA ku do te zhvilloje disa takime zyrtare.
Nga kjo ministri, kanë shpjeguar edhe natyrën e takimeve që Latifi do t’i ketë në SHBA.
Ministri Latifi është në vizitë zyrtare ne SHBA dhe në vijim të kësaj agjende, sot është ne Uashington DC ku pritet realizimi i vizitës në spitalin Ushtarak Walter Reed dhe Qendrën e Simulimit të Armatës Amerikane në Uashington, si dhe takime të tjera zyrtare.
E koha e gjatë që ministri po e kalon jashtë vendit, po shihet veprim jo i mirë, nga njohësit e shëndetësisë.
Ai është në këtë pozitë për më shumë se 5 muaj, e që në total rreth 1 muaj i ka pas jashtë Kosovës në vizita zyrtare. Këto vizita nuk do të ishin problem, sikur të ishin në dobi, por kam përshtypjen që ministri po udhëton pa plan.
Vitija ka thënë se aktualisht sistemi shëndetësor po përballet me probleme bazike.
Ne kemi nevojë për një menaxher që merret direkt me problemet, dhe jo për një zyrtar që e konsideron këtë pozitë me teper si ceremoniale…
Ndryshe, në Shtetet e Bashkuara të Amerikës, aktualisht janë edhe dy krerët e shtetit, Vjosa Osmani dhe Albin Kurti.
