Murati tregoi se punëtorëve të sektorit publik, tashmë u janë ekzekutuar mjetet nga 100 euro për secilin.
Mirëpo, një gjë e tillë nuk pritet të bëhet shpejt për punëtorët e sektorit privat.
Kjo pasi që siç e konfirmoi ministri i Financave, do t’u nënshtrohen një vlerësimi nga një komision që do të jetë në kuadër të ministrisë.
Njëkohësisht, Murati tha se procesi i aplikimit për pagëmarrësit privat, dhe ndërmarrjet publike është ende i hapur.
“Po ashtu kanë mbetur edhe pagat e pagëmërrësve privat, apo edhe ndërmarrjet publike që nuk marrin pagë nga buxheti, procesi është ende i hapur për aplikim, dhe prej javës tjetër e tutje do të formojmë komisionin shqyrtues i cili pastaj do të trajtojë të gjitha aplikimet ku do të fillojë edhe pagesa për këtë kategori’, deklaroi ai.
Po ashtu, ai konfirmoi se brenda pak ditësh do të bëhet publik platforma për aplikim nga studentët kosovarë.
Po ashtu, njoftoi se janë drejt finalizimit të platformës për aplikim për kategorinë e studentëve e cila do të hapet shumë shpejt.
“Si dhe kategoria tjetër që parashihet të fitojë nga masa mbështetëse prej 100 eurove janë edhe studentët, për të cilët po ashtu jemi drejt finalizimit të platformës për aplikim dhe do të hapet shumë shpejtë”, tha tutje Murati.
